Malta Festa Haz-Zabbar - Malta Feast Haz Zabbar

Gurnata ghall-Karnival t’ Ghawdex

Kenfar — Sat, 11 Feb 2012 16:07:57 +0000

Il-Kummissjoni Nar u Armar se torganizza gurnata f’ Ghawdex ghall-Karnival tar-Rabat u Nadur, il-Hadd 19 ta’ Frar 2012. Il-prezz tal-kbar huwa ta’ €20 u tat-tfal huwa ta’ €12 li jinkludi l-ikel. Tluq mill-venda ta’ Haz-Zabbar fis-10.30 ta’ filghodu. Bookings min … Continue reading →

Afternoon Tea

Kenfar — Sat, 11 Feb 2012 16:05:00 +0000

Il-Kummissjoni Nar u Armar se torganizza Afternoon Tea, il-Hadd 26 ta’ Frar 2012, gewwa l-Pergola Hotel, Mellieha. Il-prezz tal-kbar huwa ta’ €10 u tat-tfal huwa ta’ €7. Tluq mill-venda ta’ Haz-Zabbar fis-1.00 ta’ wara nofsinhar. Bookings min ghand Ganni Cassar … Continue reading →

Afternoon Tea

Kenfar — Sun, 22 Jan 2012 12:58:00 +0000

Il-Kummissjoni Nar u Armar se torganizza Afternoon Tea, il-Hadd 29 ta’ Jannar 2012, fi Riviera Hotel gewwa l-Marfa. Il-prezz tal-kbar huwa ta’ €10 u tat-tfal huwa ta’ €7. Tluq mill-venda ta’ Haz-Zabbar fis-1.00 ta’ wara nofsinhar. Bookings min ghand Ganni … Continue reading →

Dinner Dance tal-Karnival

Kenfar — Sun, 22 Jan 2012 12:42:12 +0000

Il-Kumitat Centrali flimkien mal-Kummissjoni Nar u Armar se jorganizzaw Dinner Dance tal-Karnival, is-Sibt 18 ta’ Frar 2012, gewwa Nigret Night Club ir-Rabat. Se jkun hemm ukoll kompetizzjoni ta’ l-isbah kostum tal-Karnival min 3 snin sa 5 snin, min 6 snin sa 12-il sena u min 13-il sena ‘il fuq. Il-prezz tal-kbar huwa ta’ €20 u tat-tfal huwa ta’ €12. Tluq bil-private mill-venda ta’ Haz Zabbar fis-7.15 ta’ filghaxija. Booking min ghand Vincest Buhagiar – 99835728, Ganni Cassar – 99404245, Johanna Vella – 77462002 jew Charlene Falzon – 79318051.

Laqgħa Ġenerali Annwali

Kenfar — Thu, 27 Oct 2011 16:59:37 +0000

Nixtiequ ninfurmaw li sejra tinżamm il-Laqgħa Ġenerali Annwali tal-Għaqda tagħna nhar il-Ħadd 6 ta’ Novembru 2011 fid-9.30am fis-sala tal-każin. F’każ ta’ nuqqas ta’ kworum, il-Laqgħa tibda nofs siegħa wara bil-membri preżenti.

Aġenda:

Qari tal-Minuti tal-aħħar Laqgħa Ġenerali;

Rapport Amministrattiv;

Rendikont Finanzjarju minn April sa Settembru 2011;

Diskors mill-President;

Xoljiment tal-Kumitat Ċentrali 2010/11

Ħatra tal-Kumitat Ċentrali 2011/12

Affarijiet Oħra

Kull min hu nteressat li jikkontesta jew jinnomina lil xi persuna għall-Kumitat Ċentrali 2011/12 huwa mitlub li jagħmel dan billi jniżżel id-dettalji fuq il-karta li saret bin-nominazzjonijiet fuq in-notice board għall-Kumitat Ċentrali 2011/12.

N.B. Il-membri li jattendu għal din il-Laqgħa Ġenerali jridu jkunu aġġornati fil-menswalità sas-sena 2011.

Mons. Pawlu Cremona fis-sede tagħna.

Kenfar — Thu, 13 Oct 2011 07:18:58 +0000

Din is-sena, l-poplu Żabbari kellu x-xorti li jgawdi l-Paninġierku konċelebrat minn Monsinju Arċisqof Pawl Cremona nhar il-Festa tal-Madonna tal-Grazzja, l-Ħadd 10 ta’ Settembru 2011. Hekk kif spiċċat il-quddiesa, hu sab ħin jiltaqa mall-poplu Żabbari fosthom il-Kumitat u l-partitarji tal-Għaqda tagħna li kienu preżenti ġewwa s-sede. Wara li ltaqa ma bosta partitarji li kienu qed jieħdu drink fil-bar area, hu tela’ fis-sala prinċipali armata għall-okkażjoni tal-festa titulari u fil-kamra tal-Kumitat fejn kiteb kelmtejn fuq il-ktieb tal-Viżitaturi. Saret talb wkoll mill-president tal-Għaqda, biex l-Eċċellenza Tiegħu jirregala l-kallotta tiegħu, talba li ġiet aċċettata bil-ferħ minnu. Immedjatament wara qatta’ ftit ħin ġewwa s-sala tal-kunċerti fejn seta jammira l-istrumentatura vasta ta’ din l-Għaqda u bierek l-istrumenti biex dawn iservi ta’ ġid u ferħ għall-poplu t’ Alla. Hekk kif beda jagħfas il-ħin, reġa ltaqa mall-partitarji u flimkien mall-kappillan tal-Parroċċa tagħna, Dun Sebastjan Caruana, rħielha lejn il-pellegrinaġġ tar-roti w muturi li kien qrib li jidħol ġewwa l-Belt tagħna.

35 Sena Kummissjoni Nar u Armar

Kenfar — Thu, 13 Oct 2011 07:02:40 +0000

Din is-sena ser tibqa mnaqxxa fl-istorja tal-Każin tagħna , fejn iċċelbrajna b’ mod tajjeb ħafna il- 35 sena mit-twaqqif tal-Kummssjoni Nar u Armar , li jmorru lura ghall 1976. Il-festa li għadha kif għaddiet kien suċċess minn kull angolu għall-kummissjoni tagħna peress li din is-sena intrama l-armar kollu li tippossjedi din il-kummissjoni , fejn jidhol drapp ta’ pavaljuni fi Triq il-Kbira, bandalori tal-pittura f`Misraħ is-Sliem u bandalori f’ Misrah San Ġakbu, kif ukoll il-kanolla tal-Assedju u dik ta San Mikiel. Intramaw ukoll 12-il anġlu mervailja.

Bdejna ċ-ċelebrazzjonijiet billi organizzajna riċeviment għall-okkażjoni tal-35 sena mit-twaqqif tal-kummisjoni fil-bitħa sabiħa u arjuża, li tipposedi l-Għaqda tagħna u qsamna il-cake tal-okkażżjoni flimkien mal-President u s-Segretarju tal-Kumitat Eżekuttiv. Fejn jidħol in-nar din is-sena ix-xoghol tan-nar tal-ajru gie fdat f’ idejn il-Lourdes fireworks factory tal-Qrendi li b` wiċċna minn quddiem jkolli ngħid li veru huma kapa1i u aħna kuntenti bix-xogħol li kellna fil-jiem tal-Festa tal- Madonna tal Grazzja, fejn spikka il-jum tal-Festa b’ salut u murtaletti, blalen u kaxxa nfernali spetakolari, kif ukoll diversi kaxxi nfernali minn fuq il-bejt tas-sede tagħna. In-nar tal-art li nħaraq lejliet il-Festa f ‘ Misraħ San Ġakbu Ġie maħdum u maħruq mill-kamra tan-Nar ta’ Santa Marija tal-Mosta.

Nixtieq nirringrazzja lil kull min għen f `dawn il-festi tal-35 sena mit-twaqqif tal-ewwel Kummissjoni f Ħaż-Żabbar, u lil kull min kien involut biex din il- Kummissjoni tkun ta `eżempju bil- frott li ħalliet tul dawn is-snin , u lil dawk kollha li kienu jagħmlu parti minnha sa mit- twaqqif tagħha. Għas sena li ġejja ser nkunu qed nagħtu prijorita l-armar biex il-festa tal-Patruna tagħna tkun bl-isbaħ armar kif jixraq lil Ommna l-Madonna tal- Grazzja

Lawrence Mifsud

PRO Kummissjoni Nar u Armar

Festa San Mikiel 2011

Kenfar — Fri, 16 Sep 2011 15:36:27 +0000

Programm Festa San Mikel 2011
Prinċep tas-Sema u Patrun tal-Banda Tagħna

Il-Ġimgħa 23 ta’ Settembru 2011 fit-8.00pm: DVD Launch Festa 2011 ġewwa l-każin.

Is-Sibt 24 ta’ Settembru 2011 fit-8.00pm: Ikla Familjari bi Spettaklu ġewwa l-Bitħa tal-Każin b’varjeta ta’ laħam, ħut jew tiġieġ għall-prez ta’ €15.00 il-kbar u €5.00 iż-żgħar. Divertiment garantit bl-aqwa talent lokali u l-mistieden speċjali l-kantant popolari rebbieħ tal-Malta Song for Europe ta’ din is-sena Glenn Vella.

Il-Ħadd 25 ta’ Settembru 2011 fl-10.15am: Quddiesa ta’ San Mikiel fis-Santwarju tal-Madonna tal-Grazzja bis-sehem tal-Banda San Mikiel flimkien mal-Kor Notre Dame. Wara l-Quddiesa se jiġi nawgurat mill-ġdid l-artal ta’ San Mikiel wara li ġie restawrat. Dan ir-restawr tħallas mill-President tal-Għaqda s-Sur Brian Spiteri u s-Sur Keith Caruana.
Fis-7.00pm: Marċ mill-Banda San Mikiel, akkumpanjat bl-istatwa artistika ta’ San Mikiel maħduma mill-Kavallier Alfred Camilleri Cauchi. Il-marċ jibda minn fejn l-arblu l-kbir fi Triq il-Mina ta’ Hompesch fejn jinħarqu diversi murtali, murtaletti, murtali bil-logħob, blalen u kaxxa nfernali spettakolari. Il-marċ ikompli fi Triq il-Labour, Triq il-Vitorja, Triq Bajada, Misraħ is-Sliem, Misraħ San Ġakbu, Triq Santa Marija, Triq Salvu Astarita, Triq San Ġużepp, Triq ix-Xgħajra, Triq Wied il-Għajn, Triq is-Santwarju, Triq il-Kbira u jispiċċa f’Misraħ is-Sliem quddiem il-każin fil-11.00pm.

Kunċert Vokali u Strumentali

Kenfar — Mon, 05 Sep 2011 05:46:41 +0000

Nhar it-Tnejn 5 ta’ Settembru il-Banda San Mikiel se tkun qed tesegwixxi Kunċert Vokali u Strumentali fl-okkażjoni tas-60 sena mill-Inkurunazzjoni tal-Inkwadru Titulari tal-Madonna tal-Grazzja meqjum ġewwa s-Santwarju Żabbari. Il-Banda se tkun taħt id-direzzjoni ta’ Mro. David Agius A.Mus V.C.M. (Hons), A.(Mus) L.C.M., A.L.C.M. u l-kunċert se jittella’ fuq il-planċier tal-banda, armat ġewwa Misraħ is-Sliem. Jippreżentaw Ettienne Schembri u Rosianne Cutajar. Fost ħafna mużika varjata se jindaqq l-Innu Uffiċċjali tal-Inkurunazzjoni bis-sehem ta’ Coro Bel Canto, it-Tenur Charles Vincenti u l-Baritonu Alfred Camilleri. Tindaqq ukoll għall-ewwel darba bil-banda l-kanzunetta tant għal qalb il-partitarji ta’ din l-Għaqda, Nisġiet minn Tiziana u Kurt Calleja. F’ dan il-kunċert se nkunu nistgħu nammiraw ukoll il-vuċi ħelwa ta’ Myron Hose Agius u Luisana, Charlotte u Nadine Bartolo. Il-Kunċert jibda fit-8:00pm iżda kulħadd mitlub ikun f’ postu kwarta qabel. Immedjatament wara, jsir riċeviment għal mistiednin u s-soċi kolla. Narawkom

Ikla ġewwa l-Misraħ

Kenfar — Thu, 01 Sep 2011 14:02:56 +0000

Nhar is-Sibt 3 ta’ Settembru, l-Kumitat Eżekuttiv se jkun qed jorganizza Ikla ġewwa l-Misraħ mit-8:00pm ‘l quddiem. Se jkun hemm għażla ta’ Laħam, Ħut u Tiġieġ għall-prezz ta’ 15-il ewro l-kbar u 5 ewro t-tfal. Waqt l-istess ikla jitella wkoll spettaklu ppreżentat minn Crystal Ellul, bil-parteċipazzjoni ta’ bosta talenti. Mistiedna speċjali l-kantanti William Mangion u Dominic Cini li fuq kollox se jkanta wħud mill-marċi brijjużi u innijiet ġodda. Bokkings mingħand is-Segretarju Finanzjarju, l-Assistenti tiegħu jew xi membru tal-Kumitat. Grazzi

Malta Festa Haz-Zabbar - Malta Feast Haz Zabbar

Gurnata ghall-Karnival t’ Ghawdex

Afternoon Tea

Afternoon Tea

Dinner Dance tal-Karnival

Laqgħa Ġenerali Annwali

Mons. Pawlu Cremona fis-sede tagħna.

35 Sena Kummissjoni Nar u Armar

Festa San Mikiel 2011

Programm Festa San Mikel 2011 Prinċep tas-Sema u Patrun tal-Banda Tagħna

Kunċert Vokali u Strumentali

Ikla ġewwa l-Misraħ

Programm Festa San Mikel 2011
Prinċep tas-Sema u Patrun tal-Banda Tagħna